గోపురం పనులు నిలిపివేయాలని బీజేపీ ఆందోళన.. ఆలయ ప్రధాన గేటు ధ్వంసానికి యత్నం
రాజన్న సిరిసిల్ల జిల్లా :వేములవాడ రాజన్న ఆలయం ముందు బీజేపీ నాయకులు, కార్యకర్తలు, మంగళవారం చేపట్టిన ఆందోళన ఉద్రిక్తతకు దారితీసింది. ఆలయ గోపురం పనులు నిలిపివేయాలని డిమాండ్ చేస్తూ బీజేపీ ఆధ్వర్యంలో నిరసన చేపట్టారు. ఈ క్రమంలో ఆందోళనకారులు ఒక్కసారిగా ఆలయంలోకి ప్రవేశించేందుకు ప్రయత్నించడంతో పాటు ప్రధాన గేటును పగలగొట్టేందుకు యత్నించారు. దీంతో పోలీసులు వారిని అడ్డుకుని పలువురు బీజేపీ నాయకులు, కార్యకర్తలను అరెస్ట్ చేసి పోలీస్ స్టేషన్కు తరలించారు. ఈ ఘటనతో రాజన్న ఆలయం పరిసరాల్లో కొద్దిసేపు ఉద్రిక్త వాతావరణం నెలకొంది.

