కస్తూరిబా గాంధీ గురుకుల విద్యాలయాన్ని ఆకస్మికంగా తనిఖీ చేసిన కలెక్టర్ డాక్టర్ సత్య శారద.
మనప్రగతిన్యూస్/నల్లబెల్లి :
మండలంలోని కస్తూరిబా గాంధీ బాలికల గురుకుల విద్యాలయాన్ని జిల్లా కలెక్టర్ డాక్టర్ సత్య శారద ఆకస్మికంగా తనిఖీ చేశారు. ఈ సందర్భంగా పాఠశాలలోని పలు విభాగాలను ఆమె క్షుణ్ణంగా పరిశీలించారు.పాఠశాలలో నిర్వహిస్తున్న రికార్డులు, విద్యార్థులకు అందిస్తున్న భోజన సదుపాయాలు, వసతి గృహం, విద్యార్థుల ఫిర్యాదుల కోసం ఏర్పాటు చేసిన కంప్లైంట్ బాక్స్ను పరిశీలించారు. అలాగే పాఠశాల పరిసరాల పరిశుభ్రత, ఆహ్లాదకరమైన వాతావరణం, విద్యాబోధన తీరును సమీక్షించారు. విద్యార్థుల కోసం ప్రత్యేకంగా ఏర్పాటు చేసిన ఇందిరా మహిళా శక్తి కొనుగోలు కేంద్రాన్ని కూడా సందర్శించిపరిశీలించారు.అనంతరం కలెక్టర్ విద్యార్థులతో కలిసి భోజనం చేశారు. విద్యార్థులకు అందుతున్న భోజన నాణ్యత, వసతి సదుపాయాల గురించి తెలుసుకున్నారు.ఈ తనిఖీలో ఆర్డీఓ ఉమారాణి, జెడ్పీ సీఈఓ ఏ. వాసంతి, డీఆర్డీఓ నాగ పద్మజ, ఎమ్మార్వో ముప్పు కృష్ణ, గ్రామ సర్పంచ్ నాగేల్లి జ్యోతి ప్రకాష్, పాఠశాల ప్రిన్సిపాల్ ఆవుల సునీత, ఉపాధ్యాయులు, పాల్గొన్నారు.

