మన ప్రగతి న్యూస్/ కరీంనగర్ జిల్లా సైదాపూర్
: మండలంలోని సోమారం గ్రామానికి చెందిన గీత కార్మికుడు గుర్రం తిరుపతి గౌడ్ మృతి చెందడంతో సైదాపూర్ మాజీ జెడ్పీటీసీ బిల్లా వెంకట్ రెడ్డి సోమవారం ఆయన భౌతికకాయానికి పూలమాల వేసి నివాళులర్పించారు. బీఆర్ఎస్ పార్టీ సీనియర్ నాయకుడు పైడిమల్ల తిరుపతి గౌడ్ సైతం నివాళులర్పించారు.
ఈ సందర్భంగా పైడిమల్ల తిరుపతి గౌడ్ మాట్లాడుతూ.. గుర్రం తిరుపతి గౌడ్ నిరుపేద కుటుంబానికి చెందిన వ్యక్తి అని, ఆయన మృతితో కుటుంబం ఆర్థికంగా ఇబ్బందులు ఎదుర్కొనే పరిస్థితి ఏర్పడిందన్నారు. ప్రభుత్వం మానవతా దృక్పథంతో స్పందించి బాధిత కుటుంబానికి ఆర్థిక సాయం అందించి ఆదుకోవాలని కోరారు. అనంతరం కుటుంబ సభ్యులను పరామర్శించి ప్రగాఢ సానుభూతి తెలిపారు. కార్యక్రమంలో గ్రామస్తులు పాల్గొన్నారు.
