రాజన్న సిరిసిల్ల జిల్లా / ముస్తాబాద్ :
రీ-సర్వే పనులను పరిశీలించిన అదనపు కలెక్టర్, ముస్తాబాద్ మండలం మోర్రపూర్ గ్రామంలో కొనసాగుతున్న భూముల రీ-సర్వే కార్యక్రమంలో భాగంగా అదనపు కలెక్టర్ శ్రీ జి. నాగేశ్ , జిల్లా సర్వే అధికారి శ్రీనివాస్ క్షేత్రస్థాయిలో రీ-సర్వే పనులను పరిశీలించారు.ఈ సందర్భంగా రీ-సర్వే ప్రక్రియ, జరుగుతున్న సర్వే పనుల పురోగతి, భూ వివరాలను పరిశీలించారు. రీ-సర్వే కార్యక్రమంలో రైతులందరూ అందుబాటులో ఉండి, సర్వే సిబ్బందికి అవసరమైన భూ వివరాలను అందిస్తూ పూర్తిస్థాయిలో సహకరించాలని అదనపు కలెక్టర్ సూచించారు. రీ-సర్వే ప్రక్రియను సజావుగా నిర్వహించేందుకు రైతుల భాగస్వామ్యం ఎంతో అవసరమని తెలిపారు.
ఈ కార్యక్రమంలో తహసీల్దార్ ముస్తాబాద్ , గిర్దావర్, సర్వే సిబ్బంది మరియు సంబంధిత రైతులు పాల్గొన్నారు.
