కారుణ్య జ్యోతి హైస్కూల్‌లో ఘనంగా బాలల దినోత్సవ వేడుకలు.
మన ప్రతి న్యూస్- నల్లబెల్లి:
మండలంలోనికారుణ్య జ్యోతి హైస్కూల్‌లో నవంబర్ 14న బాలల దినోత్సవ వేడుకలను విద్యార్థుల ఆనందోత్సాహాల మధ్య ఘనంగా నిర్వహించారు. భారత తొలి ప్రధానమంత్రి పండిట్ జవహర్‌లాల్ నెహ్రూ జయంతిని పురస్కరించుకుని నిర్వహించిన ఈ వేడుకలు పాఠశాలలో పండుగ వాతావరణాన్ని నెలకొల్పాయి.ఈ సందర్భంగా పాఠశాల ప్రిన్సిపాల్ ఉషారాణి మాట్లాడుతూ, బాలలే దేశ భవిష్యత్తు అని, ప్రతి విద్యార్థిలోనూ ప్రత్యేకమైన ప్రతిభ దాగి ఉంటుందని, దానిని గుర్తించి ప్రోత్సహించడం ఉపాధ్యాయుల బాధ్యత అని పేర్కొన్నారు. విద్యార్థులు క్రమశిక్షణ, పట్టుదల, ఆత్మవిశ్వాసంతో ఉన్నత శిఖరాలను అధిరోహించాలని ఆకాంక్షించారు.విద్యార్థుల ముఖాల్లో చిరునవ్వులు విరబూయిస్తూ, వారి ఆనందమే పాఠశాల విజయమనే సందేశంతో వేడుకలను ఉత్సాహంగా నిర్వహించారు.ఈ కార్యక్రమంలో పాఠశాల వైస్ ప్రిన్సిపాల్ కుమారస్వామి, చైర్మన్ దాస్ చౌదరి, ఉపాధ్యాయులు, విద్యార్థులు పాల్గొన్నారు.
