తనిఖీల సమయంలో షాపులు మూసివేత…
అసలు లోగుట్టు ఏమిటి? నిబంధనలు ఉల్లంఘించరా… లేక తనిఖీల భయమా?
డ్రగ్ ఇన్స్పెక్టర్ తనిఖీలతో మెడికల్ షాపుల యజమానుల్లో గుబులు!తనిఖీల సమయంలో షాపులు మూసివేత.. అసలు లోగుట్టు ఏమిటి? నిబంధనలు ఉల్లంఘించారా.. లేక తనిఖీల భయమా?మన ప్రగతి న్యూస్/వనపర్తి/ ఆత్మకూర్:- ఆత్మకూరు పట్టణ కేంద్రంలో డ్రగ్ ఇన్స్పెక్టర్ తనిఖీల నేపథ్యంలో కొన్ని మెడికల్ షాపుల యజమానులు తమ దుకాణాలను అకస్మాత్తుగా మూసివేయడం పట్టణంలో చర్చనీయాంశంగా మారింది. సాధారణంగా ప్రజలకు నిత్యం అందుబాటులో ఉండాల్సిన ఔషధ దుకాణాలు తనిఖీల సమయంలో మూతపడటంతో పలు అనుమానాలు వ్యక్తమవుతున్నాయి. అసలు తనిఖీలకు ముందే కొన్ని షాపులు ఎందుకు మూసివేశారు? తనిఖీల్లో బయటపడతాయనే భయంతోనే దుకాణాలు మూసివేశారా? లేక ఇతర కారణాలు ఏమైనా ఉన్నాయా? అన్న ప్రశ్నలు ప్రజల్లో తలెత్తుతున్నాయి.ఔషధాల విక్రయానికి సంబంధించి ప్రభుత్వం నిర్దేశించిన నిబంధనలు ప్రతి మెడికల్ షాపు తప్పనిసరిగా పాటించాలి. మందుల నిల్వలు, గడువు ముగిసిన ఔషధాలు, వైద్యుల చీటీ లేకుండా విక్రయించే మందులు, ఫార్మసిస్ట్ అందుబాటు వంటి అంశాలపై సంబంధిత అధికారులు నిరంతరం పర్యవేక్షణ చేపట్టాల్సిన అవసరం ఉంది. ముఖ్యంగా ప్రజల ప్రాణాలతో ముడిపడి ఉన్న ఔషధాల విక్రయంలో ఎలాంటి నిర్లక్ష్యానికి తావుండకూడదు.ఇటీవల పట్టణంలో కొన్ని మెడికల్ షాపుల్లో గడువు ముగిసిన మందుల విక్రయాలపై కూడా అనుమానాలు వ్యక్తమవుతున్న నేపథ్యంలో డ్రగ్ ఇన్స్పెక్టర్ తనిఖీల సమయంలో షాపులు మూసివేయడం మరిన్ని ప్రశ్నలకు తావిస్తోంది. అయితే షాపులు మూసివేయడానికి గల అసలు కారణాలు ఏమిటో అధికారుల విచారణలోనే స్పష్టత రావాల్సి ఉంది.తనిఖీలు అంటే భయపడాల్సిన అవసరం లేని వ్యాపారులు షాపులు మూసివేయాల్సిన పరిస్థితి ఎందుకు వచ్చింది? నిబంధనల ప్రకారం వ్యాపారం చేస్తున్నప్పుడు తనిఖీలకు సహకరించాలి కదా? తనిఖీల సమయంలో దుకాణాలు మూసివేస్తే అనుమానాలు మరింత బలపడే అవకాశం ఉంది.*_ప్రజల ప్రాణాలతో చెలగాటమాడితే సహించేది లేదు!_*ఔషధాల విక్రయం అనేది సాధారణ వ్యాపారం కాదు.. ప్రజల ఆరోగ్యం, ప్రాణాలతో ముడిపడి ఉన్న బాధ్యత. అందువల్ల డ్రగ్ ఇన్స్పెక్టర్ అధికారులు కేవలం తనిఖీలకే పరిమితం కాకుండా, పట్టణంలోని అన్ని మెడికల్ షాపులను క్షుణ్ణంగా పరిశీలించి నిబంధనలు ఉల్లంఘించిన వారిపై చట్టప్రకారం చర్యలు తీసుకోవాలని పట్టణ ప్రజలు కోరుతున్నారు.