యువకులకు దళిత బందు ఇచ్చి యువకులకు అభివృద్ధి బాట వేసిండ్రు
యువకులకు కౌన్సిల్ లో పెద్ద పీట
ఎన్నికల ప్రచారంలో మాజీ ఎమ్మెల్యే ఆల
మన ప్రగతి న్యూస్ / వనపర్తి ప్రతినిధి :
కొత్తకోట మున్సిపాలిటీలోని ఎస్సి కాలనీలో అభివృద్ధి చేసిందని కెసిఆర్ ప్రభుత్వమే అని దేవరకద్ర మాజీ ఎమ్మెల్యే ఆల వెంకటేశ్వర్ రెడ్డి అన్నారు. శనివారం వనపర్తి జిల్లా కొత్తకోట మున్సిపాలిటీలోని 7,8,13, 14, 15 వ వార్డులో ఎన్నికల ప్రచార రోడ్ షో కార్యక్రమానికి ముఖ్యతితులుగా వచ్చారు. ఈ సందర్బంగా మాజీ ఎమ్మెల్యే ఆల మాట్లాడుతూ స్థానిక ప్రజలను ఉద్దేశించి మాట్లాడుతూ, బీఆర్ఎస్ ప్రభుత్వ హయాంలో ఆయా వార్డుల్లో చేపట్టిన డ్రైనేజీ, సీసీ రోడ్ల నిర్మాణాలు తదితర అభివృద్ధి, సంక్షేమ పనులను వివరించారు.కాంగ్రెస్ పార్టీ గ్యారెంటీల పేరుతో ప్రజలకు ఇచ్చిన హామీల్లో ఏ ఒక్కటినీ అమలు చేయలేదని తీవ్ర విమర్శలు చేశారు. కాంగ్రెస్ ప్రభుత్వం ఏర్పడి రెండున్నరేళ్లు గడిచినా, ప్రజలకు ఇచ్చిన హామీలను నెరవేర్చడంలో విఫలమై ప్రజలకు బాకీ పడిందని ఎద్దేవా చేశారు.పార్లమెంట్ ఎన్నికల సందర్భంగా ముఖ్యమంత్రి రేవంత్ రెడ్డి కొత్తకోట చౌరస్తాలో గ్యారెంటీలు, హామీల అమలును కురుమూర్తి సాక్షిగా అమలు చేస్తున్నట్లు ప్రకటించిన విషయాన్ని ఆయన గుర్తు చేశారు. ఓట్లు అడిగే ముందు కాంగ్రెస్ పార్టీ ప్రజలకు ఇచ్చిన హామీలను పూర్తిగా అమలు చేసి, బాకీ చెల్లించిన తర్వాతే ఓట్లు అడగాలని హితవు పలికారు. కాంగ్రెస్ ప్రభుత్వం హామీల అమలులో ప్రజలకు ఎంత బాకీ పడిందో ఓటర్లు ప్రశ్నించాలని ఆయన పిలుపునిచ్చారు. ఈ కార్యక్రమంలో బిఆరెస్ ఇంచార్జ్ అభిలాష్ రావు, మాజీ జడ్పీటీసీలు వామన్ గౌడ్, విశ్వేశ్వర్, మాజీ ఎంపీపీ గుంత మౌనిక, మాజీ సీడీసీ చైర్మన్ చెన్నకేశవ రెడ్డి, జిల్లా అధికార ప్రతినిధి గాడిల ప్రశాంత్, ఎద్దుల నాగేష్, ఆకుల శ్రీను, గుంత మల్లేష్, బాబు రెడ్డి, ప్రేమదానం, శాంతిరాజ్, మంద ప్రశాంత్, 14 వ వార్డు అభ్యర్థి కిరణ్, 15 వ అభ్యర్థి అయ్యన్న, నెహ్రు, ఏసు, అమర్, మహేష్, వికాస్, గులాబీ గోవింద్, మాసన్న, నవీన్ తదితరులు పాల్గొన్నారు.
