మన ప్రగతి న్యూస్/వైరా ప్రతినిధి:
మాజీ ఎమ్మెల్యే సండ్ర వెంకట వీరయ్య సోదరి, ఖమ్మం మున్సిపల్ కార్పొరేషన్ మాజీ కార్పొరేటర్లు బుర్రి ఇందిర–వెంకట్‌కుమార్ దంపతుల కుమార్తె సౌజన్య వివాహం సుమిత్‌కుమార్‌తో బుధవారం రాత్రి ఖమ్మంలోని ఓ ప్రైవేట్ ఫంక్షన్ హాల్‌లో ఘనంగా జరిగింది.వివాహ వేడుకకు బీఆర్ఎస్ మాజీ లోక్‌సభ పక్ష నేత, ఖమ్మం మాజీ పార్లమెంట్ సభ్యుడు నామ నాగేశ్వరరావు హాజరై నూతన వధూవరులను ఆశీర్వదించి శుభాకాంక్షలు తెలిపారు. వారి దాంపత్య జీవితం సుఖసంతోషాలు, ఆయురారోగ్యాలు, ఐశ్వర్యాలతో వర్ధిల్లాలని ఆకాంక్షించారు.ఈ సందర్భంగా నూతన దంపతుల కుటుంబ సభ్యులను అభినందించిన ఆయన, వివాహ వేడుకలో పాల్గొన్న అతిథులతో ఆప్యాయంగా పలకరించారు.ఈ కార్యక్రమంలో రాజ్యసభ సభ్యుడు వద్దిరాజు రవిచంద్ర, ఎమ్మెల్సీ తాతా మధుసూదన్, మాజీ ఎమ్మెల్యేలు కందాల ఉపేందర్ రెడ్డి, తాళ్లూరి జీవన్‌కుమార్, మోరంపూడి ప్రసాద్‌రావు, మాజీ కార్పొరేటర్ జ్యోతి రెడ్డి, గొడ్డేటి మాధవరావు, అప్పారావు, వాకదాని కోటేశ్వరరావు, కృష్ణప్రసాద్‌తో పాటు పలువురు ప్రజాప్రతినిధులు, రాజకీయ నాయకులు, కుటుంబ సభ్యులు, బంధుమిత్రులు పాల్గొని నూతన దంపతులకు శుభాకాంక్షలు తెలిపారు.