రైస్ మిల్ హమాలి కూలి రేట్లు పెంచాలి

కార్మిక సంఘాల ఆధ్వర్యంలో వినతి పత్రం

మన ప్రగతి న్యూస్/ నర్సంపేట

రైస్ మిల్లులో పనిచేసే హమాలీ కార్మికుల కూలి రేట్లు పెంచాలని బి ఆర్ టి యు- ఏఐటీయూసీ కార్మిక సంఘాల అనుబంధ హమాలి యూనియన్ ఆధ్వర్యంలో శుక్రవారం రైస్ మిల్ యాజమాన్య యూనియన్ అధ్యక్షుడు గంధం నరేందర్, కార్యదర్శి సింగిరికొండ మాధవ శంకర్ కు వినతిపత్రం ఇవ్వడం జరిగింది. ఈ సందర్భంగా బి ఆర్ టి యు హమాలి యూనియన్ రాష్ట్ర కార్యదర్శి కొల్లూరి లక్ష్మీనారాయణ ఏఐటీయూసీ జిల్లా నాయకులు గుంపెల్లి మునీశ్వర్ లు మాట్లాడుతూ ప్రతి రెండు సంవత్సరాలకు రేట్లు పెరగాలని ఇట్టి ఒప్పందంలో భాగంగా ఈనెల 21తో ముగుస్తుందని అన్నారు. పెరిగిన ధరలకు అనుగుణంగా కూలి రేట్లు పెంచాలని పెంచే విధంగా లేబర్ అధికారులు చొరవ చూపాలని అన్నారు. కార్యక్రమంలో సీనియర్ నాయకులు గుండెబోయిన కొమరయ్య, గాండ్ల రాములు, బొల్లం ప్రసాద్, ఎడ్ల నాగులు, తదితరులు పాల్గొన్నారు.