దిగ్విజయంగా లయన్స్ క్లబ్ వారిచే వంద మందికి కంటి పరీక్షలు
మన ప్రగతి న్యూస్/ దమ్మపేట:
దమ్మపేట మండల కేంద్రంలో మంగళవారం స్థానిక లయన్స్ క్లబ్ వారి ఆధ్వర్యంలో లయన్స్ క్లబ్ కార్యాలయంలో ఉచిత కంటి వైద్య శిబిరాన్ని దిగ్విజయంగా నిర్వహించారు. ఈ శిబిరంలో 100 మందికి కంటి పరీక్షలు జరపగా వారిలో 22 మందికి కంటి ఆపరేషన్ అవసరం ఉన్నట్లు వైద్యులు గుర్తించారని క్లబ్ బాధ్యులు తెలిపారు. ఈ సందర్భంగా క్లబ్ ప్రోగ్రాం చైర్మన్ దారా యుగంధర్ మాట్లాడుతూ ప్రజా సంక్షేమం కోసం మా క్లబ్ ఆధ్వర్యంలో ఎన్నో ప్రజోపయోగమైన ఉచిత కార్యక్రమాలను నిర్వహిస్తున్నామని, మేము చేసే ప్రతి కార్యక్రమాన్ని వివిధ మాధ్యమాల ద్వారా తెలియజేస్తున్నామని, ఈ విషయాలను ప్రజలందరూ తెలుసుకొని సద్వినియోగం చేసుకోవాలని సూచించారు. ఈ కార్యక్రమంలో లయన్స్ క్లబ్ అధ్యక్షులు అంకత ఉమామహేశ్వరరావు, మండల బాధ్యులు రాచూరి వేణుగోపాలరావు తదితరులు పాల్గొన్నారు.
