మన ప్రగతి న్యూస్ / తల్లాడ:
తల్లాడ పోలీస్ స్టేషన్ సమీపంలో వానరాల గుంపులో చోటుచేసుకున్న గొడవలో ఒక వానరం తీవ్రంగా గాయపడింది. రక్తస్రావంతో బాధపడుతున్న వానరాన్ని గమనించిన తల్లాడ పోలీస్ కానిస్టేబుల్ తేజావత్ నరేష్ వెంటనే స్పందించారు.గాయపడిన వానరాన్ని రెండు చేతులతో ఎత్తుకుని ప్రభుత్వ ఆసుపత్రికి తీసుకెళ్లి వైద్య పరీక్షలు చేయించారు. రక్తస్రావం ఆగేలా వైద్య పరికరాలతో చేతికి కట్టు వేసి చికిత్స అందించారు. అనంతరం వానరానికి పండ్లు, ఫలాలు స్వయంగా తినిపించి వానరం తిరిగి అడవిదారిలోకి వెళ్లేలా సహాయపడ్డారు.మానవతా విలువలను చాటుకున్న కానిస్టేబుల్ నరేష్ సేవాభావాన్ని స్థానికులు ప్రశంసిస్తూ అభినందనలు తెలిపారు.
