మన ప్రగతి న్యూస్/శంకరపట్నం:
బైకు అదుపు తప్పి రోడ్డుపై పోసిన వడ్ల కుప్ప పై పడడంతో ఓదెల మండలం కనగర్తి గ్రామస్తుడు గాజుల శంకరయ్య(60)కు తీవ్ర గాయాలు అయ్యాయి.మానకొండూరు మండలం గంగిపల్లి కుటుంబ సభ్యుల ఇంటికి వెళ్లి తిరుగు ప్రయాణంలో గంగిపల్లి-ఏరడపల్లి మార్గమధ్యలో కుక్క అడ్డు రావడంతో బైక్ అదుపు తప్పడంతో రోడ్డుపై పోసిన వడ్ల కుప్పను ఢీకొట్టడంతో శంకరయ్య కుడి భుజం విరిగి,తలకు బలమైన గాయమైంది.స్థానికులు 108 కి సమాచారం అందించడంతో సంఘటన స్థలానికి చేరుకున్న ఈఎంటి సతీష్ రెడ్డి, పైలెట్ గోపికృష్ణ ప్రథమ చికిత్స అందిస్తూ కరీంనగర్ ఏరియా ఆస్పత్రికి తరలించారు.
