మన ప్రగతి న్యూస్/ హైదరాబాద్
తెలంగాణ మాజీ మంత్రి, ఎమ్మెల్యే తన్నీరు హరీశ్ రావు కి పితృవియోగం కలిగింది. హరీశ్ రావు తండ్రి తన్నీరు సత్యనారాయణ కొద్దిసేపటి క్రితం మరణించారని కుటుంబ వర్గాలు తెలిపాయి. ఈ వార్త తెలిసిన వెంటనే రాజకీయ నాయకులు, ప్రజాప్రతినిధులు, అభిమానులు తీవ్ర విచారం వ్యక్తం చేస్తున్నారు.తన్నీరు సత్యనారాయణ పార్థివదేహం సందర్శనార్థం హైదరాబాద్లోని కోకాపేట్ ప్రాంతంలోని క్రిన్స్ విల్లాస్లోని స్వగృహంలో ఉంచనున్నట్లు కుటుంబ సభ్యులు తెలిపారు. అనంతరం అంత్యక్రియల వివరాలు తరువాత తెలియజేయనున్నట్లు సమాచారం.
