మన ప్రగతి న్యూస్ /ఏన్కూర్
ఖమ్మం జిల్లా ఏన్కూర్ మండలం జన్నారం,అంజనాపురం మధ్య నిమ్మ వాగులో ఒక డీసీఎం వ్యాన్ కొట్టుకుపోయింది. భారీ వర్షాల కారణంగా వాగు ఉధృతంగా ప్రవహిస్తుండగా, దాటే ప్రయత్నంలో వ్యాన్ ప్రవాహానికి చిక్కుకుంది.
వాహనంతో పాటు డ్రైవర్ కూడా నీటిలో కొట్టుకుపోయినట్లు సమాచారం. అధికారులు, స్థానికులు గాలింపు చర్యలు ప్రారంభించగా, నీటి ప్రవాహం ఎక్కువగా ఉండటంతో శోధన కష్టసాధ్యంగా మారింది. వ్యాన్, డ్రైవర్ వివరాలు ఇంకా తెలియాల్సి ఉంది.ప్రజలు వాగులు, వంకలు దాటే ప్రయత్నం చేయవద్దని అధికారులు హెచ్చరించారు.
