పలు సీసీ రోడ్లు ప్రారంభోత్సవాలు
మన ప్రగతి న్యూస్, దమ్మపేట:
భద్రాద్రి కొత్తగూడెం జిల్లా, దమ్మపేట మండల కేంద్రంలో జూబ్లీహిల్స్ ఉప ఎన్నికల్లో కాంగ్రెస్ పార్టీ అభ్యర్థి నవీన్ యాదవ్ భారీ మెజారిటీతో విజయం సాధించిన సందర్భంగా శుక్రవారం ఆనందోత్సాహాలతో సంబరాలు నిర్వహించారు. ఈ క్రమంలోనే బాణసంచా కాల్చి ఘనంగా సంబరాలను జరుపుకున్నారు. అనంతరం దమ్మపేట మండల కేంద్రంలో ముఖ్యమంత్రి సహాయ నిధి నుండి మంజూరైన చెక్కులను లబ్ధిదారులకు ఎమ్మెల్యే స్వయంగా అందజేశారు. మారప్పగూడెం, పెద్ద గొల్లగూడెం, దమ్మపేటలలో పలు సీసీ రోడ్లను ప్రారంభోత్సవం చేశారు. అనంతరం మొండివర్రె కాలనీలో పంచాయతీ భవనం ప్రారంభోత్సవం చేశారు. నాచారం గ్రామంలో ఇందిరమ్మ ఇళ్ల ప్రారంభోచవం చేశారు. ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, ప్రజలు తదితరులు పాల్గొన్నారు.
