ఇద్దరు వ్యక్తులకు జైలు శిక్ష, మరో ఎనిమిది మందికి కమ్యూనిటీ సర్వీస్
మన ప్రగతి న్యూస్/ దమ్మపేట:
భద్రాద్రి కొత్తగూడెం జిల్లా, దమ్మపేట పోలీస్ స్టేషన్ పరిధిలో డ్రంక్ అండ్ డ్రైవ్ చేస్తూ పోలీసులకు దొరికిన ఇద్దరు వ్యక్తులకు దమ్మపేట సెషన్ కోర్ట్ జడ్జి భవాని సోమవారం తీర్పునిస్తూ నాలుగు రోజులు సాధారణ జైలు శిక్షను విధించారు. ఈ క్రమంలోనే డ్రంక్ అండ్ డ్రైవ్ చేస్తూ దొరికిన మరో ఎనిమిది మంది వ్యక్తులకు కమ్యూనిటీ సర్వీసును నాలుగు రోజులు పాటు చేయాలని శిక్షను విధించారు. దమ్మపేట పోలీస్ స్టేషన్ ఎస్సై సాయి కిషోర్ రెడ్డి మాట్లాడుతూ మద్యపానం సేవించి వాహనాలు నడిపినట్లయితే చట్టపరంగా కఠిన చర్యలు ఉంటాయని ఈ సందర్భంగా వాహనదారులను హెచ్చరించారు.
