మన ప్రగతి న్యూస్ /వైరా ప్రతినిధి:
ఏన్కూర్ మండల కేంద్రంలోని ప్రభుత్వ కార్యాలయంలో తెలంగాణ ఆవిర్భావ దినోత్సవ వేడుకలు ఘనంగా నిర్వహించారు. తాసిల్దార్ కార్యాలయంలో తాసిల్దార్ సిహెచ్ శేషగిరిరావు, ఎంపీడీవో కార్యాలయంలో ఎంపీడీవో పల్లి భాగ్యశ్రీ జాతీయ జెండాని ఆవిష్కరించారు. అదేవిధంగా వివిధ ప్రభుత్వ కార్యాలయంలో, పాఠశాలలో మార్కెట్ కార్యాలయంలో, మండల వ్యాప్తంగా గ్రామపంచాయతీలలో జాతీయ జెండాను ఆవిష్కరించారు. అనంతరం అమరవీరులకు ఘన నివాళులు అర్పించారు. తెలంగాణ రాష్ట్ర సాధనలో ప్రాణత్యాగం చేసిన వీరులను స్మరించుకుంటూ రాష్ట్ర అభివృద్ధి దిశగా ప్రతి ఒక్కరూ కృషి చేయాలని అధికారులు పిలుపునిచ్చారు. ఈ కార్యక్రమంలో వివిధ శాఖల సిబ్బంది పాల్గొన్నారు.
