భారీగా ఆస్తి నష్టం
మన ప్రగతి న్యూస్/నల్లబెల్లి
మండలంలోని రంగాపురం గ్రామంలో భారీ అగ్నిప్రమాదం జరిగిందిజరిగిన అగ్ని ప్రమాదంలో మీరాల పెద్ద సమ్మయ్య రేకుల ఇల్లు పూర్తిగా దగ్ధమైంది. ఈ ప్రమాదంలో ఇంట్లో నిల్వ ఉంచిన సుమారు 7 క్వింటాళ్ల పత్తితో పాటు గృహోపకరణాలు, ఇతర సామాగ్రి పూర్తిగా అగ్నికి ఆహుతయ్యాయి.ఈ ఘటనలో సుమారు రూ.1 లక్ష నుండి రూ.2 లక్షల వరకు ఆస్తి నష్టం జరిగినట్లు సమాచారం. అగ్ని ప్రమాదం జరిగిన వెంటనే రంగాపురం సర్పంచ్ ఓరుగంటి మాధురి రాజు, పంచాయతీ కార్యదర్శి రామారావు , గ్రామ ప్రజలు సంఘటనా స్థలానికి చేరుకుని మంటలను అదుపు చేయడానికి ప్రయత్నించారు.
అనంతరం బాధిత కుటుంబాన్ని పరామర్శించిన గ్రామ పెద్దలు, ప్రజాప్రతినిధులు ప్రభుత్వం వెంటనే స్పందించి బాధిత కుటుంబానికి తక్షణ ఆర్థిక సహాయం అందించాలని కోరారు. ఈ ఘటన పట్ల గ్రామ ప్రజలు తీవ్ర దిగ్భ్రాంతి వ్యక్తం చేశారు.
